ಮುಂಡಗೋಡ: ತಾಲೂಕಿನ ಶಿಡ್ಲಗುಂಡಿ ಹಳ್ಳ ತುಂಬಿ ಹರಿದ ಕಾರಣಕ್ಕೆ ಆಕಳು ಸಿಲುಕಿ ಮೃತಪಟ್ಟ ಘಟನೆ ನಡೆದಿದೆ. ಶಿಡ್ಲಗುಂಡಿ ಗ್ರಾಮದ ಹಳ್ಳದ ದಡದಲ್ಲಿ ಆಕಳು ಮೃತಪಟ್ಟಿದ್ದು, ಈ ಆಕಳು ಜಾನಾಬಾಯಿ ಶಿಂಧೆ ಎಂಬುವವರದಾಗಿದೆ. ಆಕಳು ಮೃತಪಟ್ಟ ವಿಷಯ ಕೇಳಿ ಕಂದಾಯ ಗ್ರಾಮ ಲೆಕ್ಕಾಧಿಕಾರಿ ಗೋಣಿ ಬಸಪ್ಪ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.
ಹುಬ್ಬಳ್ಳಿ- ಧಾರವಾಡ ಮಳೆಯಾದರೆ ಹಳ್ಳ ತುಂಬಿ ಬಂದು ಪ್ರತಿ ವರ್ಷವು ಒಂದಲ್ಲಾ ಒಂದು ಇಂತಹ ಘಟನೆ ನಡೆಯುತ್ತಲೇ ಇದೆ. ಗೌಳಿ ಜನಾಂಗದ ದನಗಳು ಮೇಯಲು ಹೋಗುವ ಸಂದರ್ಭದಲ್ಲಿ ಆಕಳು ಹಳ್ಳದಲ್ಲಿ ಸಿಲುಕಿ ಮೃತಪಟ್ಟಿದೆ ಎಂದು ಹೇಳಲಾಗುತ್ತಿದೆ.
